ნიკა რურუა - ის, რაც გაგვაძლიერებს

ერი, რომელმაც არ იცის გარჩევა, ვინაა მისი მტერი, თავისუფლებას და მისგან გამომდინარე ყველა სიკეთეს, უბრალოდ, არ იმსახურებს. ყველა წარმატებული, კეთილდღეობას მოსწრებული სახელმწიფო მხნე და თავმოყვარე ხალხის აშენებულია. მონები და ყველა ჯურის ფარისევლები ვერ ქმნიან ვერაფერს, ყალბი კოლოსების გარდა, რომელთაც ისტორია ნანგრევებად ინახავს ხოლმე.

დეკოლონიზაცია რთული, მტკივნეული და ძალიან დისკომფორტული პროცესია, რომელიც უფრო ტვინებში ხდება, ვიდრე ფიზიკურ სამყაროში. ყველაფერი, რასაც აწმყოში გავდივართ, ამ პროცესის – დეკოლონიზაციის – ნაწილია.