თათია ახალაია - ჭერჭეთობა ღამე

ხომ წარმოგიდგენიათ სამყაროს კიდე, სადაც, თითქოს, ყველაფერთან ერთად ცაც კი უნდა სრულდებოდეს?! აქ კი ყველაფერი პირიქით იყო. არც ველის უსასრულობას ჰქონდა საზღვარი და არც ცისას. ალბათ ეს უნდა ყოფილიყო კარიბჭე, ახალი გზის დასაწყისი".

ახალგაზრდა ფოლკლორისტის, თათია ახალაიას სადებიუტო რომანი „ჭერჭეთობა ღამე“, ფენტეზის ჟანრს განეკუთვნება. წიგნი მოგვითხრობს ბავშვების მოგზაურობაზე ზღაპრულ სამყაროში, თუმცა მკითხველი მასში მითოსურ საწყისებს ყოველ ნაბიჯზე აწყდება. ამიტომ თამამად შეიძლება, რომანი დიდების საკითხავ ლიტერატურადაც ჩაითვალოს.